Azərbaycan Respublikası Prezidentinin
2025-ci il 14 avqust tarixli Fərmanı ilə təsdiq
edilmişdir
Azərbaycan Respublikası Xüsusi Rabitə və İnformasiya Təhlükəsizliyi
Dövlət Xidmətinin rəsmi embleminin
TƏSVİRİ
Azərbaycan Respublikası Xüsusi Rabitə və İnformasiya Təhlükəsizliyi Dövlət
Xidmətinin rəsmi emblemi kənarı boyunca ensiz qızılı haşiyə olan dairə
formasındadır. Dairənin kənarı boyunca ensiz qızılı haşiyədən sonra ağ qövs, ağ
qövsdən sonra isə ensiz qızılı haşiyə yerləşir. Həmin ağ qövs boyunca tünd mavi
hərflərlə yuxarıda “AZƏRBAYCAN RESPUBLİKASI”, aşağıda “XÜSUSİ RABİTƏ VƏ
İNFORMASİYA TƏHLÜKƏSİZLİYİ DÖVLƏT XİDMƏTİ” sözləri yazılmışdır.
“AZƏRBAYCAN” sözündən əvvəl və “RESPUBLİKASI” sözündən sonra qızılı rəngli
kiçik səkkizguşəli ulduz təsvir edilmişdir.
Dairənin daxilində kənarı boyunca ikinci ensiz qızılı haşiyəyə bitişik tünd mavi
rəngli dairə, həmin dairənin daxilində mərkəzi xəttindən sol tərəfi qızılı, sağ tərəfi ağ
rəngdə olan 8 ədəd rombşəkilli xüsusi ornament və 3 paralel istiqamətdə hər paralel
üzrə 4 ədəd olmaqla üzü sağa tərəf hərəkət görüntülü, qızılı rəngli 12 ədəd şüa təsviri
verilmişdir. Tünd mavi rəngli dairədə yerləşdirilən rombşəkilli xüsusi ornamentlər
düzülüş əsasında dairənin mərkəzində səkkizguşəli ulduz təsviri yaradır. Dairənin
mərkəzində üzü yuxarı baxan qızılı rəngli aypara və 5 kənar nöqtəsi həmin ayparanın
təsvirinə toxunan, tərəfləri ağ və qızılı rəngdə olan səkkizguşəli ulduz əks olunmuşdur
(rəsmi emblemin şəkli əlavə olunur).